ᓴᒃᑰᑉ ᐱᕈᐃᔨᖏᓐᓂᑦ ᐊᐅᓚᑦᑎᔩᑦ
ᓴᙱᒃᑎᑎᕆᓂᖅ ᐃᓄᐃᑦ ᓄᓇᓕᖏᓐᓂᑦ,
ᖃᓄᖅᑑᕐᓂᒃᑯᑦ ᐱᑖᖅᑐᕐᓂᕐᓂᒃ.
ᑭᓇᐅᓂᕗᑦ:
ᐊᖏᒡᓕᒋᐊᕐᓗᒋᑦ ᐃᓄᐃᑦ ᐃᓱᒪᒋᔭᖏᑦ, ᐊᑕᐅᑦᑎᒃᑯᑦ ᓯᕗᒻᒧᒃᑎᑦᑎᓂᖅ
ᓴᒃᑰᑉ ᐱᕈᐃᔨᖏᓐᓂᑦ ᐊᐅᓚᑦᑎᔩᑦ ᐱᑦᑕᐅᒋᔭᐅᔪᑦ ᐃᓄᖕᓄᑦ ᐱᒋᐊᖅᑎᑕᐅᔪᓄᑦ ᐊᐅᓚᑦᑎᔨᐅᓂᕗᑦ ᑭᒡᒐᖅᑐᖅᖢᒋᑦ ᐱᔪᒪᓂᕆᔭᖏᑦ ᐃᓄᓗᒃᑖᑦ ᑭᕙᓪᓕᕐᒥᑦ. ᐱᙳᖅᑎᑕᐅᓚᐅᖅᑐᖅ 1989-ᒥᑦ ᐱᕙᓪᓕᐊᑎᑦᑎᔨᐅᓂᐊᕐᓗᓂ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ, ᐱᔭᒃᓴᐅᑎᓗᐊᕆᔭᕗᑦ ᑮᓇᐅᔭᖅᑖᖅᐸᓪᓕᐊᓂᖅ ᓴᙱᒃᑎᓐᓂᐊᕐᓗᒍ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᐅᓯᒋᐊᖅᓯᔪᖕᓇᕐᓂᖏᑦ ᖃᓄᐃᖏᓐᓂᖃᖅᑐᒥᒃ ᐃᓅᓯᖃᕐᓂᖏᓐᓄᑦ ᐃᓄᐃᑦ ᐊᒻᒪᓗ ᐱᓕᕆᐊᕆᓗᒋᑦ ᐱᓂᐊᕐᓂᕋᖅᓯᒪᔭᖓᑕ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᐅᑉ.
ᓴᒃᑯᒃᑯᓐᓂᑦ, ᑕᐅᑐᒐᖃᖅᑐᒍᑦ ᐱᕈᐃᓗᑕ ᓄᓇᓕᖕᒥᑦ ᓇᖕᒥᓂᖅ ᐱᓕᕆᐊᓕᖕᓂᑦ ᐊᒻᒪᓗ ᐱᖃᑕᐅᓗᒋᑦ ᓇᖕᒥᓂᖃᖅᑐᑦ ᐱᓕᕆᐊᖃᕐᓂᕐᒧᑦ ᐱᕕᖃᖅᑎᑦᑎᓂᐅᔪᑦ. ᑕᐃᒪᓐᓇᐃᓕᐅᕐᓗᑕ, ᐃᑲᔪᕐᓂᐊᖅᑐᒍᑦ ᐱᕙᓪᓕᐊᓂᕐᒥᒃ ᐃᓄᖕᓄᑦ ᑐᕌᖓᔪᑦ ᐱᖁᑎᓂᒃ, ᐱᑖᒃᑲᓐᓂᕐᓗᑕ ᑮᓇᐅᔭᓕᐅᕈᑎᓂᒃ ᐃᓄᐃᑦ ᓄᓇᓕᖏᓐᓂᑦ, ᐊᒻᒪᓗ ᐊᑉᖁᑎᓕᐅᕐᓗᑕ ᐃᓄᖕᓄᑦ ᐃᓚᐅᓂᐊᕐᓗᑎᒃ ᑮᓇᐅᔭᓕᐅᕐᓂᕐᒥᑦ.
ᓴᙱᓂᕗᑦ
ᐃᑲᔪᕐᓗᒋᑦ ᓴᒃᑯᒃᑯᑦ ᐊᔾᔨᐅᖏᑦᑑᔪᑦ ᓴᙱᓂᖏᑦ
ᕿᓂᖃᑦᑕᖅᑐᒍᑦ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᒃ ᐱᕕᖃᕐᓂᐅᔪᓂᒃ ᐃᑲᔪᖅᖢᑎᒃ ᓴᒃᑯᒃᑯᑦ ᐊᔾᔨᐅᖏᑦᑐᑦ ᓴᙱᓂᕆᔭᖏᓐᓂᑦ, ᐃᓚᐅᑉᓗᑎᒃ:
ᐊᔾᔨᒌᙱᑦᑑᑏᑦ ᐱᓕᕆᐊᖃᕐᓃᑦ
ᐱᓕᕆᐊᖃᖅᖢᓂ ᐊᔾᔨᒌᙱᑦᑑᑎᓂᒃ ᐱᓕᕆᐊᖃᕐᓂᐅᔪᓂᑦ ᐊᒻᒪᓗ ᐊᔪᙱᑦᑐᒃᑯᑦ ᑮᓇᐅᔭᓕᐅᕆᓂᕐᓂᑦ, ᑐᙵᕕᖃᖅᑐᒍᑦ ᐊᔪᙱᓐᓂᒃᑯᑦ ᐱᕈᖅᐸᓪᓕᐊᓂᕐᒧᑦ ᐊᒻᒪᓗ ᐊᑯᓂᐅᔪᒥᑦ ᐱᐊᓂᑦᑎᐊᖅᓯᒪᓂᕐᒧᑦ.
ᐱᓕᕆᐊᖃᖅᓯᒪᔪᑦ ᐊᑕᐅᑦᑎᒃᑯᑦ ᐱᓕᕆᐊᖃᕐᓂᐅᔪᓂᒃ ᐊᒻᒪᓗ ᐱᒋᐊᖅᑎᑦᑎᓂᕐᓂᒃ
ᖃᐅᔨᒪᓂᖃᕐᓂᑉᑎᒍᑦ ᐊᑕᐅᑦᑎᒃᑯᑦ ᐱᓕᕆᐊᖃᕐᓂᐅᔪᓂᒃ ᐊᒻᒪᓗ ᓇᖕᒥᓂᖅ ᐱᓕᕆᐊᓂᒃ ᐱᒋᐊᖅᑎᑦᑎᓂᕐᒧᑦ ᐅᕙᑉᑎᖕᓂᑦ ᓇᓗᓇᕐᓂᐅᔪᓄᐊᖅᑎᑦᑎᖃᑦᑕᖅᑐᖅ ᓄᑖᑦ ᐱᓕᕆᐊᓄᑦ ᐊᒻᒪᓗ ᐊᖏᓛᒃᑰᖅᑎᖦᖢᒋᑦ ᐱᔪᖕᓇᕐᓂᖏᑦ ᐱᐊᓂᑦᑎᐊᖅᓯᒪᓂᐊᕐᓗᑎᒃ.
ᓴᙱᔪᒥᒃ ᐊᒃᑐᐊᓂᖃᕐᓃᑦ ᐊᒻᒪᓗ ᑭᕙᓪᓕᕐᒥᑦ ᖃᐅᔨᒪᓂᕆᔭᐅᔪᑦ
ᐊᒥᓱᑦ ᑲᑎᓐᓂᖃᕐᓂᑉᑎᒍᑦ ᐊᒻᒪᓗ ᑐᑭᓯᐊᓂᖃᑦᑎᐊᕐᓂᑯᑦ ᐊᔾᔨᐅᖏᑦᑐᑦ ᐊᒃᓱᕈᕐᓇᖅᑐᓂᒃ ᐊᒻᒪᓗ ᐱᕕᖃᕐᓂᐅᔪᓂᒃ ᐅᑭᐅᖅᑕᖅᑐᒥᑦ, ᑐᓂᓯᔪᒍᑦ ᐃᑲᔪᐃᑦᑎᐊᖅᑐᓂᒃ ᐱᓕᕆᐊᖑᔪᓄᑦ, ᐃᑲᔪᖅᓗᒋᑦ ᐊᔪᙱᑦᑐᖕᓇᕐᓂᐊᕐᓗᑎᒃ ᐃᓂᒋᔭᖓᑕ ᐊᕙᑎᐊᑕ ᖃᓄᐃᖓᓂᕆᔭᖓᓄᑦ.
ᐱᔭᐅᓯᒪᔪᑦ ᓴᙱᓃᑦ ᐱᐅᓯᒋᐊᖅᓯᔪᑦ ᐊᔪᙱᓐᓂᕆᔭᑉᑕ ᐱᒋᐊᖅᑎᑕᐅᓂᕗᑦ ᐊᐅᓚᑦᑎᔨᐅᑉᓗᑕ ᐱᓕᕆᐊᖃᖅᖢᑕ ᐃᑲᔫᑕᐅᔪᓄ ᐃᓄᖕᓄᑦ. ᐃᑲᔪᖅᑕᐅᑉᓗᑕ ᐱᒋᐊᖅᑎᑦᑎᓯᒪᐃᓐᓇᕐᓂᖏᑦᑕ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ, ᐱᓕᕆᐊᖃᕈᒪᔪᒍᑦ ᖃᓄᐃᓕᐅᖅᑎᑦᑎᓂᕐᓂᒃ ᐅᒃᑯᐃᖅᓯᔪᓂᒃ ᓄᑖᓂᒃ ᐊᑉᖁᑎᓂᒃ ᐱᐅᓯᒋᐊᖅᓯᓂᕐᒧᑦ ᖃᓄᐃᖏᑦᑎᐊᕐᓂᖏᑦᑕ ᐃᓅᓯᖏᑦ ᐊᒻᒪᓗ ᐱᕈᖅᐸᓪᓕᐊᓂᐊᕐᓗᑎᒃ ᓯᕗᓂᒃᓴᒥᑦ.
ᐱᖃᑎᒋᑎᒍᑦ ᐱᐅᔪᒥᒃ ᓯᕗᓂᒃᓴᓕᐅᕆᓂᕐᒥᒃ ᐃᓄᐃᑦ ᓄᓇᓕᖏᓐᓂᑦ
ᖃᐅᔨᒋᐊᕐᕕᒋᑎᒍᑦᐱᓗᒍ ᐱᖅᖁᓯᕆᔭᐅᔪᖅ, ᐋᖅᕿᒃᓱᐃᓂᖅ ᓯᕗᓂᒃᓴᒥᑦ
ᑐᕌᒐᕆᔭᕗᑦ
ᑐᕌᒐᖃᖅᑐᒍᑦ ᖃᐅᔨᓂᐊᕐᓗᒋᑦ ᐊᒻᒪᓗ ᐊᑐᓕᖅᑎᓪᓗᒋᑦ ᐱᓕᕆᐊᖃᕐᓂᕐᒧᑦ ᐱᕕᖃᖅᑎᑦᑎᓃᑦ ᐱᓕᕆᐊᕆᔭᖃᖅᑐᑦ ᐱᒻᒪᕆᐅᔪᓂᒃ ᐱᑕᖃᙱᓐᓂᐅᔪᓂᒃ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐃᖢᐊᖅᓴᐃᓂᕐᒧᑦ ᐱᔨᑦᑎᕋᐅᑎᓂᑦ, ᐆᒻᒪᖅᖁᑎᒧᑦ, ᐃᖏᕐᕋᔭᒃᑐᓕᕆᓂᕐᒧᑦ, ᑐᓴᐅᒪᖃᑦᑕᐅᑎᓕᕆᓂᕐᓄᑦ, ᐊᒻᒪᓗ ᐃᒡᓗᓕᕆᓂᖅ ᑭᕙᓪᓕᕐᒥᑦ.
ᐊᖏᓛᒃᑰᖅᑎᓐᓂᐊᖅᑕᕗᑦ ᐊᔾᔨᐅᖏᑦᑐᑦ ᓴᙱᓂᕆᔭᕗᑦ ᐱᒋᐊᖅᑎᑕᐅᓂᕗᑦ ᐊᐅᓚᑦᑎᔨᐅᑉᓗᑕ ᐊᖏᓛᒃᑯᑦ ᐃᑲᔫᑕᐅᔪᓂᒃᒃ ᑭᕙᓪᓕᕐᒥᐅᑕᓂᑦ ᐃᓄᐃᑦ ᓇᖕᒥᓂᖃᕐᓂᒃᑯᑦ, ᐊᔪᕈᖕᓃᖅᓴᐃᓂᒃᑯᑦ, ᐱᓕᕆᑎᑦᑎᓂᒃᑯᑦ, ᐊᒻᒪᓗ ᓄᓇᓕᖕᒥᑦ ᓇᖕᒥᓂᖅ ᐱᓕᕆᐊᕆᔭᐅᔪᑦ ᐱᕈᖅᑎᑦᑎᓂᒃᑯᑦ.
ᑕᐅᑐᒐᕗᑦ
ᑕᐅᑐᒐᕆᔭᕗᑦ ᓯᕗᓕᐅᖅᑎᐅᑉᓗᑕ ᓴᖅᕿᑦᑎᓂᕐᒥᒃ ᓄᑖᓂᒃ, ᐃᓄᖕᓄᑦ-ᑲᒪᒋᔭᐅᔪᓂᒃ ᐱᓕᕆᐊᓄᑦ ᐱᒋᐊᖅᑎᑦᑎᔪᑦ ᐱᐅᓯᒋᐊᖅᓯᓂᕐᒧᑦ ᖃᓄᐃᖏᑦᑎᐊᕐᓂᖓᑕ ᐃᓅᓯᐅᑉ, ᐱᕈᖅᐸᓪᓕᐊᓂᖃᕐᓗᑎᒃ, ᐊᒻᒪᓗ ᐱᕕᖃᕐᓗᑎᒃ ᑭᕙᓪᓕᕐᒥᑦ.
ᓇᓗᓇᐃᒃᑯᑕᕗᑦ
ᓇᓗᓇᐃᒃᑯᑕᕗᑦ ᓴᒃᑯᙳᐊᖑᔪᖅ, ᐅᓈᕐᒧᐊᖅᑕᐅᓲᖅ ᐊᑐᖅᑕᐅᖃᑦᑕᖅᑐᖅ ᐃᓄᖕᓄᑦ ᓇᑦᑎᖅᓯᐅᖅᑐᓄᑦ, ᕿᓇᓗᒐᖅᓯᐅᖅᑐᓄᑦ, ᐊᒻᒪᓗ ᐊᐃᕕᖅᓯᐅᖅᑐᓄᑦ. ᓇᓗᓇᐃᖅᓯᔪᖅ ᓴᙱᓂᕆᔭᖏᓐᓂᒃ ᐊᒻᒪᓗ ᐱᒻᒪᕆᐅᓂᖓᑕ ᐃᓄᐃᑦ ᐱᖅᖁᓯᖓᑦ, ᑕᐃᒪᓐᓇᐃᓯᒪᔪᖅ ᑕᐅᓯᓐᖏᓐᓃᑦᑐᓂᑦ ᐅᑭᐅᓂᑦ ᐊᓐᓇᒃᑐᖅᓯᒪᓂᐊᕐᓗᑎᒃ ᐊᒻᒪᓗ ᓂᕆᔭᒃᓴᖏᓐᓄᑦ ᐃᓅᖃᑎᒌᑦ.
ᓴᒃᑯ ᐃᓕᔭᐅᖃᑦᑕᖅᑐᖅ ᐃᓱᐊᓄᑦ ᐅᓈᑉ ᐊᒃᖣᓈᕐᒧᓪᓗ, ᐋᖅᕿᒃᓯᒪᔪᖅ ᑲᐃᕕᑦᑐᖕᓇᕐᓗᓂ ᑲᐱᓯᖅᖄᖅᑎᓪᓗᒍ, ᐊᓐᓇᒃᑕᐅᓂᐊᖏᓪᓗᓂ ᓂᕐᔪᑎ ᐊᖑᑕᕆᔭᐅᔪᖅ. ᓇᓗᓇᐃᒃᑯᑕᖅ ᐱᔾᔪᑎᖃᖅᑐᖅ ᐱᓂᐊᕐᓂᕇᓐᓇᖅᑕᑉᑎᖕᓂᑦ ᐅᑎᕋᖕᓇᕐᓂᕐᒥᒃ, ᐱᖅᖁᓯᕆᔭᐅᔪᒥᒃ, ᐊᒻᒪᓗ ᐱᕙᓪᓕᐊᓂᖏᓐᓄᑦ ᐃᓄᐃᑦ.
ᐱᒋᐊᖅᑎᓪᓗᒍ ᓯᕗᓂᒃᓴᖅ ᐱᖃᑎᒋᓗᒋᑦ ᓴᒃᑯᒃᑯᑦ: ᐃᖏᕐᕋᓂᕆᔭᑉᑎᖕᓂᑦ ᐃᓚᐅᒋᑦ ᐅᑉᓗᒥ
ᖃᐅᔨᑎᑎᒍᑦ ᒫᓐᓇ ᐊᒻᒪᓗ ᐱᒋᐊᕐᓗᑎᑦ ᐊᓯᐊᙳᖅᑎᑦᑎᔪᖕᓇᖅᑐᖅ ᑲᒪᒋᔭᖓᓐᓂᑦ ᓴᒃᑯᒃᑯᑦ
ᐱᓕᕆᐊᕆᕙᒃᑕᕗᑦ ᐱᑕᖃᙱᓐᓂᓗᐊᖑᔪᑦ ᐱᒻᒪᕆᐅᔪᓂᑦ ᐱᓕᕆᐊᓕᖕᓂᑦ ᓲᕐᓗ ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᐃᖢᐊᖅᓴᐃᓂᕐᒧᑦ ᐱᔨᑦᑎᕋᐅᑏᑦ, ᐆᒻᒪᖅᖁᑎᖃᖅᑎᑦᑎᓂᖅ, ᐃᖏᕐᕋᔪᓕᕆᓂᖅ, ᑐᓴᐅᒪᖃᑦᑕᐅᑎᓄᑦ ᐊᑐᖅᑐᓂᑦ, ᐊᒻᒪᓗ ᐃᒡᓗᓕᕆᓂᖅ, ᐃᓚᒋᔭᐅᖁᔭᑉᑎᒋᑦ ᐱᔭᒃᓴᐅᑎᑉᑎᖕᓄᑦ ᐱᓕᕆᐊᒃᓴᑉᑎᖕᓂᑦ. ᐊᑕᐅᑦᑎᒃᑯᑦ, ᓴᖅᕿᑦᑎᔪᖕᓇᖅᑐᒍᑦ ᓄᑖᖑᔪᓂᒃ, ᐃᓄᖕᓄᑦ-ᑲᒪᔭᐅᔪᓂᒃ ᐱᓕᐊᖑᓂᐊᖅᑐᓂᒃ ᐱᐅᓯᒋᐊᖅᑎᑦᑎᔪᓂᒃ ᐃᓅᓯᖃᑦᑎᐊᕐᓂᕐᒧᑦ, ᐊᑐᕐᓗᓂ ᐱᕈᖅᐸᓪᓕᐊᓂᖃᕐᓂᕐᒥᒃ, ᐊᒻᒪᓗ ᐱᓇᐃᕐᓗᒋᑦ ᐊᒥᓱᑲᓪᓚᐃᑦ ᐱᕕᖃᕐᓂᐅᔪᑦ ᑭᕙᓪᓕᓗᒃᑖᒥᑦ. ᕿᒥᕐᕈᓗᒍ ᐃᖏᕐᕋᓂᕗᑦ ᐊᒻᒪᓗ ᐱᖃᑎᒋᓗᑕ ᐱᕈᐃᑎᑦᑎᓂᕐᒥᒃ ᐱᑦᑕᐅᓂᖅᓴᒧᑦ ᓯᕗᓂᒃᓴᒥᑦ.
